Тошкент шаҳрида 29 март куни Ўзбекистон бош вазири Абдулла Арипов Шинжон-Уйғур автоном райони партия котиби Ма Синжуй билан учрашув ўтказди.
Учрашувда тобора юқори суръат билан ривожланаётган Ўзбекистон—Хитой алоқаларининг бугунги даражага кўтарилишида икки давлат раҳбарлари ўртасидаги очиқ мулоқот, ишончли ва дўстона муносабатлар асосий омил бўлиб хизмат қилаётгани қайд этилди.
Таъкидланганишича, Хитой Ўзбекистоннинг ишончли, вақт синовидан ўтган стратегик ҳамкоридир. Ўзбекистон “ягона Хитой сиёсати”ни ҳамда “уч ёвуз куч” — терроризм, экстремизм ва сепаратизмга қарши қатъий курашни доим қўллаб-қувватлайди.
Хитой Ўзбекистоннинг энг йирик савдо ва инвестисия ҳамкорларидан бири ҳисобланади. Ўтган йил якунларига кўра икки давлат ўртасидаги ўзаро савдо айланмаси илк бор қарийб 9 миллиард долларни ташкил этди. Бугунги кунда мамлакатда Хитой капитали иштирокида 2140 дан зиёд корхона фаолият кўрсатмоқда.
Музокаралар давомида икки томонлама савдо-иқтисодий, инвестисиявий, транспорт, энергетика, қишлоқ хўжалиги, илм-фан, маданият ва туризм соҳаларида ҳамкорлик масалалари атрофлича муҳокама қилинди. Мулоқот якунида Тошкент вилояти билан Шинжон-Уйғур автоном райони ўртасида ўзаро ҳамкорлик тўғрисида битим имзоланди.
Изоҳ (1)
hammaga salom