Ўзбекистонда тўланган кешбэклар қарийб 1 трлн сўмга етди 

Ўзбекистонда февраль ойида 106,6 млрд сўм кешбэк йиғилди. Бу ҳақда Солиқ қўмитаси хабар бермоқда. 

Қарийб 107 млрд сўмлик кешбэклар 2,1 млн нафар истеъмолчилар томонидан йиғилган. Бу 2022 йилнинг мос даврига нисбатан 80 млрд сўмга кўп. Февраль ойида йиғилган кешбэклар фақатгина 2022 йил декабрига нисбатан камроқ бўлди.

Айни пайтда 1,4 млн нафарга яқин истеъмолчига 70,8 млрд сўм тўлаб берилди.

Шунингдек, камчиликлар бартараф этилиши натижасида ўтган ойлар учун яна 9,4 млрд сўм кешбэк тасдиқланган. 

Солиқ мобил иловаси орқали берилган жами кешбэклар 980 млрд сўмдан ошди.

Тадбиркорлик субъектлари томонидан:  

• солиқ ҳисоботлари топширилиши; 
• ҳисоботлардаги камчиликлар тузатилиши;
• солиқ қарздорлиги камайтирилиши инобатга олиниб қолган кешбэк суммалари автоматик тарзда тўлаб борилади.