Кореяда ўқиётган хорижлик талабалар ичида ўзбекистонликлар сони учинчи ўринда туради. Бу ҳақда Тошкент шаҳрида бўлиб ўтаётган Ўзбекистон-Корея олий таълим муассасалари ректорлари форумида маълум қилинди, дея хабар бермоқда “Дарё” мухбири.
Форумнинг кириш қисмида Корея бош вазири ўринбосари, таълим вазири Ли Жу Хонинг иштирокчиларга йўллаган видеомурожаати намойиш қилинди. Вазирнинг айтишича, ҳозирда Кореяда ўқиётган хорижлик талабалар ичида ўзбекистонликлар сони учинчи ўринда туради.
“Ҳозирда Корея республикасининг учта университети филиааллари Ўзбекистонда фаолият олиб бормоқда. Корея олий таълим муассасаларида таҳсил олаётган хорижлик талабалар ўртасида ўзбекистонлик талабалар сон жиҳатидан учинчи ўринда туради. Ўзбекистонда таълим олаётган кореялик талабалар сони ҳам йил сайин ўсиб бормоқда. Бу таълим соҳасида ҳамкорлигимизни янада кенгайтиришда муҳим жиҳатдир”, – деган у.
Тадбирда Университет таълими бўйича Корея кенгаши раиси Хонг Вон Хванинг қўшимча қилишича, 2020 йил ҳолатига кўра Кореяда таҳсил олаётган ўзбекистонлик талабалар сони 8 минг 860 нафарни ташкил этган.
Изоҳ (0)