Ўзбекистонда бир кунда иккинчи зилзила қайд этилди

Тожикистонда юз берган зилзила Ўзбекистон ҳудудида ҳам сезилди. Бу ҳақда ФВВ Сейсмопрогностик мониторинг Республика маркази хабар қилди.

Қайд этилишича, 23 март куни Тошкент вақти билан 07:53 да қайд этилган 4,9 магнитудали зилзила сезилиш кучи Сирдарё вилоятида 2-3 баллни, Жиззах, Фарғона, Наманган вилоятлари ва Тошкент шаҳрида 2 баллга тенг бўлди.

Тожикистонда 23 март куни Тошкент вақти билан соат 01:07 да қайд этилган 6 магнутудали зилзила ҳам Ўзбекистоннинг қатор вилоятларида сезилган, унинг кучи 4-5 баллни ташкил этганди.