“Толибон” Ўзбекистон делегацияси билан музокара олиб борди. Нималар муҳокама қилинди? (видео) 

Афғонистон мудофаа вазири мулла Муҳаммад Ёқуб Ўзбекистон делегациясини қабул қилди. Бу ҳақда Sputnik Афғонистон хабар берди.

Делегация таркиби президентининг ташқи сиёсат бўйича махсус вакили Абдулазиз Комилов ва президентнинг Афғонистон бўйича махсус вакили Исматулла Эргашевдан иборат. “Толибон” Мудофаа вазирлигига кўра, томонлар учрашувда чегарани ҳимоя қилиш, хавфсизликни таъминлаш ва икки томонлама муносабатларни ривожлантириш масалаларини муҳокама қилган.

Ўзбекистон томони “Толибон” ҳаракатига сиёсат, иқтисод, хавфсизлик ва бошқа соҳаларда ёрдам беришга тайёрлигини билдиргани таъкидланди.