Қозоғистонда парламент сайловлари натижалари эълон қилинди

Қозоғистонда 19 март куни бўлиб ўтган навбатдан ташқари парламент сайловлар натижасида етти партиядан олтитаси, жумладан, энг йирик Amanat партияси беш фоизлик довондан ошиб ўтди ва Қозоғистон парламенти Мажлисига (қуйи палатасига) кирди. Бу ҳақда 20 март куни бўлиб ўтган брифингда Марказий сайлов комиссияси раиси Нурлан Абдиров маълум қилди.

Сайловда, хусусан:

• Amanat 53,9 фоиз овоз олди;
• Қозоғистон Халқ партияси – 6,8 фоиз,
• Қозоғистоннинг “Ақ-Жол” Демократик партияси (Ёрқин йўл) – 8,41 фоиз;
• Халқ демократик ватанпарвар партияси Ауил (Овул) — 10,9 фоиз;
• Республика партияси — 6,59 фоиз;
• Мухолифатдаги Миллий социал-демократик партияси 5,2 фоиз овоз олди.

Қозоғистон Яшиллар партияси “Байтак” 2,3 фоиз овоз олиб, белгиланган чизиқдан ўта олмади. Бундан ташқари, респондентларнинг 3,9 фоизи “ҳамма партияларга қарши” вариантини танлаган.

Республикада парламент қуйи палатасига муддатидан олдин сайловлар аралаш тизим бўйича ташкил этилади: депутатларнинг 70 фоизи партия рўйхати бўйича, 30 фоизи бир мандатли сайлов округлари бўйича сайланади.