Югуриш сизга ёқмайдими? Уни самарадор ва фойдали бўлган яна 5 та машғулот турини санаб берамиз, деб ёзмоқда “Новий очаг” нашри.
Афтидан, сўнгги йилларда бутун дунё югуришга боғланиб қолганга озганга ўхшайди: кимдир югуради, кимдир марафонда қатнашади, кимдир югуриш йўлакчасидан тушмайди, кимдир эса бир йилда учинчи профессионал кроссовкасини алмаштиради. Кўринишидан, югуриш бошқа барча машғулотларни ортда қолдириб, фитнес ва жисмоний тарбия қиролига айланади. Келинг, бунга қарши туришга ҳаракат қилайлик ва югуришни бошқа фойдалироқ машғулотларга алмаштирайлик.
Пиёда юриш
Ҳа, ҳа, юриш югуришдан кам фойдали эмас, ортиқча вазн ва бўғимларда муаммолар мавжуд бўлса ёки узоқ танаффусдан кейин эндигина спортга қайтаётган бўлсангиз, бу янада фойдали. Кунига атиги 40 дақиқа тез юриш метаболизмни ортиқча ёғ билан курашиш, стрессдан халос бўлиш, ҳатто, хотирани яхшилашга етарли даражада ёрдам беради.
Сузиш
Деярли барчага мос келадиган идеал фаолият тури. Бел ва бўғимлар оғриғи ва нафас олишнинг қисқа масофага ҳам етмаслиги, яъни ҳансираб қоласизми? Спорт формасини сузиш кийимига, спорт залидаги аъзоликни эса бассейнга кириш учун алмаштиринг! Тўғри сузиш учун нечта дарсларни ўрганишни тавсия қиламиз: фақат техникага риоя қилган ҳолда сузсангиз, мушаклар максимал юкни, умуртқа поғонаси ва бўғинлар эса зарур ёрдамни олади. Сузишнинг доимий бонуслари бор: у ҳақиқатан ҳам бўшаштиради ва стрессдан халос бўлишга ёрдам беради, қонда шакар миқдорини пасайтиришга ёрдам беради (ва уни машғулотдан кейин яна 6 соат давомида соғлом даражада ушлаб туради), шунингдек қонни кислород билан тўйинтиради — сузишдан кейин анча ақлли бўлиб қоламиз.
Трамплин машқлари
Атиги 10 дақиқалик фаол трамплин ярим соатлик югуриш машқлари билан таққослаганда самаралироқ. Шу билан бирга, завқланасиз, ортиқча жисмоний зўриқмайсиз, қонга эндорфинлар жуда кўп миқдорда чиқарилади.
Бадминтон
Қайси касб вакиллари энг ҳавас қиладиган соғлиқ билан ажралиб туради? Ўйлайманки, космонавтлар ҳеч бўлмаганда кучли учликдан жой олганига қўшиласиз. Бадминтон космонавт учувчиларни тайёрлаш дастурига киритилган. Биринчидан, у кўриш қобилиятини яхшилайди, иккинчидан, барча спорти ўйинлари орасида мушакларга энг катта юклама беради. Шундай қилиб, бир жуфт ракеталарни сотиб олиш вақти келди — ахир бу ёғи ёз!
Рақсга тушиш
Ҳатто, унчалик кучли бўлмаган рақс услублари ҳам яхши машғулот каби ҳаракат қилдиради: рақс тушганда ярим соат ичида мушаклар қизийди, юрак тез-тез уради ва қон айланиши ҳам тезлашади. Рақс туфайли эндорфинлар даражаси ортади ва бу нафақат фойдали, балки жуда ёқимли ҳамдир.
Мавзуга доир:
Изоҳ (0)