Россия президенти Владимир Путин мансабдор шахслар нутқида ва расмий ҳужжатларда хорижий сўзлардан фойдаланишни тақиқловчи қонунни имзолади. Истисно фақат рус тилида муқобили бўлмаган сўзлардир. Бу ҳақда “Коммерсант” хабар берди.
Тегишли ҳужжат Россия ҳуқуқий ахборотнинг расмий интернет порталида эълон қилинди. “Россия Федерациясининг давлат тили тўғрисида"ги қонунга ўзгартиришлар киритилмоқда. Қонун муаллифларининг фикрича, ҳужжат рус тилини хорижий ўзлашма сўзлардан ҳимоя қилиши керак. Муқобили бўлмаган хорижий сўзлар рўйхати махсус луғатларда берилади. Бундай луғатлар рус тили бўйича комиссия таклифи асосида ҳукумат томонидан тасдиқланади.
Рус тилидан фойдаланиш мажбурий бўлган соҳаларга қуйидагилар киради:
- барча мулк шаклларидаги ташкилотларнинг руслар билан расмий келишув ва ёзишмалари;
- телеграмма жўнатувчилар ва олувчиларнинг манзилларини рўйхатга олиш;
- давлат ва муниципал информацион тизимлар;
- товар истеъмолчилари учун мўлжалланган маълумотлар.
Изоҳ (0)