Россия Украинага бошлаган босқини оқибатида кўплаб аскарларини, шунингдек, қурол ва техникаларини йўқотди. Forbes нашри 12 ой ичида Россия ҳарбий можарога 114,4 миллиард доллар сарфлаганини маълум қилди.
Таҳлилчиларнинг маълум қилишича, мазкур сумма урушнинг бевосита харажатларини ўз ичига олади, унда Россиянинг Европа Иттифоқи санкциялари туфайли кўрган иқтисодий ва билвосита йўқотишлари ҳисобга олинмаган. Россия ўз армиясини таъминлаш учун энг кўп маблағ — тахминан, 36 миллиард доллар сарфлаган. Ҳарбий хизматчиларнинг маоши қарийб 24,7 миллиард долларни ташкил этади, расмийлар фронтда ҳалок бўлганларнинг оилаларига ҳамда ярадорларга тўланиши керак бўлган товон миқдори қарийб 29 миллиард долларни ташкил қилишини айтган.
Уруш йилида Россия ўнлаб йиллар давомида тўплаган деярли барча танкларини йўқотган. Украина армияси қарши томоннинг жами 3 350 танкини йўқ қилган. Россия армияси қуруқликдаги ҳарбий техниканинг 40-70 фоизини йўқотган. Бундан ташқари, украиналик жангчилар 12 ой ичида кўплаб рус авиатехникаларини йўқ қилган. Дастлабки ҳисоб-китобларга кўра, етказилган зарар миқдори тахминан 9,5 миллиард долларни ташкил этади.
Изоҳ (0)