Актёр Брюс Уиллиснинг оила аъзолари шифокорлар унинг деменсия касаллигига чалинганини аниқлашганини маълум қилди.
.jpg)
“2022 йил баҳорида Брюсга афазия ташхиси қўйилганидан кейин унинг аҳволи оғирлашди ва ҳозир унга аниқроқ: фронтотемпорал деменсия ташхиси қўйилди. Афсуски, атрофдагилари билан алоқа қилишдаги муаммолар Брюс чалинган касалликнинг аломатларидан бири. Бу оғриқли бўлса-да, аниқ ташхис қўйиш енгилликдир”, — дейилади актёрнинг яқинлари баёнотида.
Брюс Уиллиснинг қариндошлари фронтотемпорал деменсия 60 ёшдан ошган инсонлар орасида энг кенг тарқалган деменсия тури эканини айтиб ўтди.
Бу касалликка чалинган беморлар ҳаракатида секинлик ёки оғирлик, кейинчалик сийдик йўли ва дефекацияни назорат қилишни йўқотиш, мушаклар кучсизлиги кузатилади. Актёрнинг қариндошлари бу касалликка жамоатчилик эътиборини қаратиш умидида унинг ташхисини оммага ошкор этишга қарор қилган.
“Бугунга қадар ушбу касалликни даволаб бўлмаслиги ҳақиқат, бироқ келгуси йилларда бу ўзгаради деб умид қиламиз”, — дейди Уиллиснинг оила аъзолари.
Изоҳ (0)