Бугун,

  • USD 11095.31
  • RUB 173.84
  • EUR 10772.44

Қурилиш ва уй-жой коммунал хўжалиги вазирлиги томонидан ташкил этилган матбуот анжуманида журналистнинг “Бизда қурилаётган уйлар қанчалик зилзилага бардошли, тажрибалар ўтказилганми? Неча баллгача ъгарантияъ бера оласизлар?”, мазмунидаги саволига қурилиш ва уй-жой коммунал хўжалиги вазири ўринбосарининг жавоби ижтимоий тармоқларда кенг муҳокамаларга сабаб бўлди.

Унда қурилиш ва уй-жой коммунал хўжалиги вазири ўринбосари Даврон Адилов бу саволга “Мен 36 миллион одам қилаётган ишга кафолат беролмайман. Давлат тарафидан ўрнатилган назорат, жорий қилинган тартиб-қоида ва стандартларга кафолат бероламан. Қурилиш ишларига жавобгар биринчи навбатда объектнинг эгаси, яъни бинони қураётган ъбой отаъ жавобгар”, — деб жавоб берган.

Вазирлик матбуот хизмати юзага келган ҳолатга муносабат билдириб, видеолавҳада гап қурилишда жавобгар, аввало, буюртмачи экани хусусида борганини маълум қилди.

“Шуни таъкидлаш лозимки, тақдим этилган видеолавҳада гап қурилишда жавобгар, аввало, буюртмачи эканлиги хусусида бормоқда. Боиси буюртмачи техник назорат бўйича мутахассисни бириктиради ёки ушбу фаолият турини амалга ошириш ҳуқуқига эга бўлган юридик шахсни шартнома асосида жалб қилади”, — дея тушунтириш берган вазирлик ўз муносабатида.

Таъкидланишича, Шаҳарсозлик кодексининг 5-боб, 26-моддасида қурилишни назорат қилишда функсионал мажбуриятлар белгилаб қўйилган. Бунда шаҳарсозлик фаолияти субъектлари томонидан қурилишга тайёргарлик кўриш ва шаҳарсозлик ҳужжатларини ишлаб чиқиш ҳамда қурилиш-монтаж, ишга тушириш, созлаш ишларини бажариш қатъий назорат қилинади. Шунингдек, объектни фойдаланишга қабул қилиб олиш даврида шаҳарсозлик тўғрисидаги қонун ҳужжатларига ҳамда шаҳарсозлик норма ва қоидалари талабларига риоя этилиши текширилади.

Объектларни қуриш чоғида қурилиш устидан давлат назорати, буюртмачининг техник назорати, ишлаб чиқувчининг муаллифлик назорати ва пудратчининг ички назорати бўлиши талаб этилади. Белгиланган қонунчиликка кўра, бино ва иншоотларнинг зилзилабардошлилигига таъсир қилувчи, шунингдек, фуқаро ҳаёти ва соғлиғига таҳдид солувчи конструктив қоидабузарликлар аниқланган ҳолларда қурилиш-монтаж ишлари тўхтатиб қўйилади ҳамда демонтаж ишларини амалга оширилиши талаб қилинади.

“Агар сифатсиз қурилиш материаллари, конструксиялар ҳамда буюмлар қўлланилган бўлса, уларни ишлаб чиқаришни, реализация қилиш ҳамда қўллашни тўхтатиб туриш ҳақида тегишли давлат органлари ва ташкилотларга тақдимномалар юборилади.

Бу жараёнларда қурилишда назорат инспекцияси томонидан маҳаллий ижро этувчи ҳокимият органлари, нодавлат нотижорат ташкилотлари вакиллари, илмий-техник ва илмий-тадқиқот ташкилотлари экспертлари иштирокида давлат назорати тартибида текширувлар ўтказилади.

Жумладан, объектдаги ички назорат ишлари пудратчи томонидан камчиликларни ўз вақтида аниқлаш ҳамда уларни бартараф этиш ва олдини олиш мақсадида амалга оширилишини эслатиб ўтмоқчимиз”, — дейилади хабарда.

Қурилиш ва уй-жой коммунал хўжалиги вазирлиги Фуқаролик кодексининг тегишли моддаларида қурилиш ишларида сифатга кафолат бериш ҳамда улар лозим даражада бажарилмаган тақдирда пудратчининг жавобгарлиги ҳам белгилаб қўйилганини қайд этди.

“Шуни алоҳида таъкидлаш керакки, лойиҳа ташкилотлари томонидан қурилишлар ҳудуднинг белгиланган сейсмик балига кўра (7, 8, 9 ) режалаштирилган ҳолда лойиҳалаштирилади. Экспертиза органлари томонидан қабул қилинаётган ҳужжатларда объектнинг лойиҳа смета ҳужжатлари, йиғма экспертиза хулосаси (бунда ёнғин хавфсизлиги ва сейсмик бардошлилиги инобатга олиниши зарур) олинади”, — дея тушунтириш берган вазирлик ўз муносабатида.

Изоҳ
Асосий янгиликлар
Иқтисодиёт
Февралда Ўзбекистонда энг кўп қайси автомобиль ишлаб чиқарилди?
Маҳаллий
“Тошкент ҳудудий электр тармоқлари” бош ҳисобчи ўринбосари 15 минг доллар пора билан қўлга тушди
Спорт
Ўртоқлик ўйини. Ўзбекистон терма жамоаси Шомуродовнинг голи эвазига Боливияни мағлуб этди