Ўзбекистонда доллар курси қаторасига бешинчи кун кўтарилди

Марказий банк хорижий валюталарнинг ўзбек сўмига нисбатан 7 февралдан амалда бўладиган қийматини эълон қилди.

Унга кўра, долларнинг расмий курси 7,59 сўмга кўтарилиб, 11 350,18 сўмни ташкил қилди. Евро 55,39 сўмга тушиб, 12 157,18 сўм бўлди. Рубл 0,69 сўмга пастлаб, 160,05 сўм бўлди.

Бундан аввал доллар курси кетма-кет тўрт кун кўтарилиб, 11 342,59 сўмни ташкил қилганди. Евро ва рубл курси пастлаганди.