АОКАда ўтказилган брифингда Қурилиш ва уй-жой коммунал хўжалиги вазирлиги ахборот хизмати раҳбари Саидносир Усмонов Тошкент шаҳридаги айрим кўп қаватли уйлар базальт плиталари билан қопланишини маълум қилганди.
Мутахассисларнинг фикрича, базальт плиталари билан қопланган уйларда ўртача 30—35 фоизгача энергосамарадорликка эришиш мумкин.
Базальтнинг самараси ёз ойларида ҳам сезилади, ҳаво совиткич қурилмаларига бўлган эҳтиёж уч бараварга камаяди, чунки базальт қишда иссиқни, ёзда совуқни нисбатан сақлаш хусусиятига эга.
Базальт толали қоплама ташқаридаги шовқинни ҳам анча пасайтиради ва одатдаги 30—40 децибел шовқинни 15—20 децибелгача камайтириши тажрибаларда кўп бора исботланган.
Тошкент шаҳридаги Учтепа ва Чилонзор ҳамда Тошкент вилоятининг Чирчиқ ва Ангрен шаҳарлари ҳудудларида намуна сифатида кўп қаватли уйларни базальт плиталари билан қоплаш ишлари бошланган.
Кейинги жараёнлар фақат тендер асосида амалга оширилади. Агар давлат билан шерикликда қилинадиган бўлса, уни махсус дирекциялар мувофиқлаштиради.
Изоҳ (0)