30 ёшдан ошган аёллар фойдаланиши шарт бўлган косметик маҳсулотлар

Тиббиёт соҳасидаги ютуқлар ҳақиқатан ҳам умрни узайтиришига қарамай, 30 ёш энг муҳим босқич ҳисобланади, ҳеч бўлмаганда тери учун. Тўртинчи ўн йилликда терининг эластиклиги, янгилиги ва ёшлигини имкон қадар узоқ вақт давомида сақлаб қолиш ва унинг хиралашишини иложи борича кечиктириш учун алоҳида ҳаракатлар қилиш керак. Терини эластик қиладиган табиий коллаген, эластин ва гиалурон кислотасини етарли даражада ушлаб туриш учун мунтазам равсиҳда “Новий очаг” нашри санаб ўтган беш маҳсулотдан фойдаланиш тавсия этилади.

Ретинолли сиворотка

Мунтазам равишда қўлланиладиган ретинол коллаген ишлаб чиқаришни рағбатлантиришга ёрдам беради. Бундан ташқари, у ҳуснбузар ва пигментация билан ҳам курашади.  Аммо шунга қарамай, ретинол ўз ичига олган маҳсулотларнинг асосий афзаллиги ажинлар тушишини ортга суришдир.

Намлантирувчи совун

30 ёшга келиб терининг табиий ҳимоя тўсиғи юпқалаша бошлайди ва тозалаш воситаларидан кўп фойдаланиш уни янада заифлаштиради. Шунинг учун дерматологлар юз терисини ювишда кўп миқдорда намлантрувчи моддаларни ўз ичига олган маҳсулотлардан фойдаланишни тавсия этади.

Таркибида SPF мавжуд кундалик намлантирувчи

Терини ҳар куни ултрабинафша нурларидан ҳимоя қилишда ҳам ҳар куни тишларни ювиш ёки юзни ювиш каби мажбурий одат бўлиши керак. Бунинг энг осон йўли эрталаб терига суртилиши мумкин бўлган SPFли намлантирувчидир. У билан кун давомида терининг хавфсизлиги ҳақида ўйламаса ҳам бўлади.

C витаминини ўз ичига олган намлантирувчи воситалар

C витамини терини эркин радикаллар таъсиридан ҳимоя қиладиган ва қаришга қарши янада самарали курашишга ёрдам берадиган энг мос антиоксидантдир. C витамини эркин радикалларни зарарсизлантиради ва коллаген ишлаб чиқаришни рағбатлантириш орқали терини қайта тикланишига ёрдам беради.

Намлантирувчи тана креми

Ўттиз ёшдан сўнг тери суюқлик мувозанатини самарали сақлай олмайди ва бу нафақат юз терисига, балки бутун баданга таъсир ўтказади. Шунинг учун мунтазам равишда енгил намлантирувчиларни, масалан, лосионлар ёки молочкаларни қўллаш тавсия этилади.

Мавзуга доир:

• Қўлларни асранг: тери қуришига қарши қандай курашиш мумкин?
• Қандай маҳсулотларни биргаликда истеъмол қилиш юз терисига зарар етказади?
• Юз кремини қўллашда кўпчилик йўл қўядиган 10 та хато