Табиат ресурслари вазирлигида тайинловлар амалга оширилди

Табиат ресурслари вазирлигида 1 февраль куни қатор тайинловлар амалга оширилди. Бу ҳақда вазирлик ахборот хизмати хабар берди.

Қайд этилишича, Шерзод Ҳабибуллаев вазирлик ҳузуридаги Гидрометеорология хизмати агентлиги директори лавозимига тайинланган. У ушбу тайинловга қадар Гидрометеорология хизмати бош директори лавозимида фаолият юритган.

Жусипбек Казбеков табиат ресурслари вазирининг ўринбосари лавозимига тайинланди. У ушбу тайинловга қадар Экология ва атроф-муҳитни муҳофаза қилиш давлат қўмитаси раиси ўринбосари лавозимида фаолият юритган.

Обиджон Қудратов табиат ресурслари вазирининг биринчи ўринбосари лавозимига тайинланди. У тайинловга қадар Вазирлар Маҳкамасида Туризм, маданият ва оммавий коммуникациялар масалалари котибияти мудири лавозимида фаолият юритган.

Шунингдек, Расул Кушербаев табиат ресурслари вазирининг маслаҳатчиси лавозимига тайинланди. У ушбу тайинловга қадар Олий Мажлис Қонунчилик палатаси депутати бўлиб фаолият юритган