Прогнозларга қарамай тўртинчи чоракда Европа иқтисодиёти ўсди

Европа Иттифоқи статистика бошқармаси 2022 йилнинг тўртинчи чораги учун асосий иқтисодий кўрсаткичлар бўйича дастлабки маълумотларни эълон қилди. 

Бу даврда евроҳудуднинг 19 мамлакатининг умумий ялпи ички маҳсулоти учинчи чоракга нисбатан 0,1 фоизга ўсди. 

Мазкур кўрсаткич ЯИМнинг 0,1 фоизга пасайишини прогноз қилган Trading Economics таҳлилчиларининг прогнозига зид келади.

Тўртинчи чоракда ЯИМнинг 0,1 фоиз ўсиш суръати 2021 йилнинг биринчи чорагидан бери энг паст кўрсаткич бўлди. 

Бу юқори инфляция босими (2022 йил декабрь ойида 9,2 фоиз), шунингдек, талабнинг ўсиши ва қимматроқ бизнес кредитлари билан боғлиқ.

Eurostat маълумотларига кўра, мамлакат кўринишида Ирландия (2022 йилнинг тўртинчи чорагида ЯИМнинг 3,5 фоиз), Испания (0,2 фоиз), Франция (0,1 фоиз) яхшироқ иқтисодий ҳолатда бўлган бўлса, Швеция (-0,6 фоиз), Чехия (-0,3 фоиз) ва Германия (-0,2 фоиз) ЯИМси кўпроқ пасайган.

Trading Economics прогнозларига кўра, Европа ялпи ички маҳсулотининг ўсиш суръати 2024 йилда тахминан 0,3 фоиз ва 2025 йилда 0,4 фоиз бўлади.