Америка компанияси Украинага Reaper жанговар дронларини 1 долларга сотиш таклифи билан чиқди

Американинг General Atomics дрон ишлаб чиқарувчи компанияси Украинага иккита МQ-9 Reaper жанговар учувчисиз учоқларини бир долларга сотишни таклиф қилди. Шу билан бирга, дронларни жанговар ҳаракатларга тайёрлаш ва етказиб бериш Киевга тахминан 10 миллион долларга, техник хизмат кўрсатиш эса йилига яна 8 миллион долларга тушади. Бунда Украина ҳарбийлари дронлар билан бирга, уларни бошқарувчи ерусти станциясини ҳам олади.

Бу таклифни General Atomics бош директори Линден Блю ўтган ҳафта Украинанинг Вашингтондаги ҳарбий атташесига етказган. Оқ уй ва Украина расмийлари шартномани маъқуллаш-маъқулламаслик борасида изоҳ беришдан бош тортди.

General Atomics матбуот котиби Марк Бринклининг айтишича, компания келишувларга батафсил изоҳ бермайди, бироқ Киевга Реапер каби дронлар керак, деб ҳисоблайди. “General Atomics бир неча ойлардан бери Украина Қуролли кучларининг эҳтиёжларини уларнинг ҳукумати билан муҳокама қилмоқда ва уларни ҳар қандай тарзда қўллаб-қувватлашга содиқ қолмоқда”, — деди Бринкли.

Маълумот ўрнида, General Atomics Украинага МQ-9А Блок 1 Reaper’нинг эски версиясини таклиф қилмоқда, унинг асл баҳоси бир неча миллион доллар туради.