Ўзбекистонда коррупцияга қарши индексида юқорилади

Transparency International халқаро нодавлат ташкилоти томонидан Коррупцияни қабул қилиш индекси 2022 йил натижалари эълон қилинди.

180 та давлат орасида Ўзбекистон 31 балл билан 126-ўринни эгаллади. Мамлакат балларини 3 тага ошириб, ўрнини 14 поғонага яхшилашга (2021 йилда 140 ўрин) муваффақ бўлди.

Ўзбекистон мазкур индексда сўнгги 6 йил давомида ўсиш суратларини қайд этаётган давлат сифатида Шарқий Европа ва Марказий Осиё минтақасининг аксилкоррупция ислоҳотларини тизимли равишда амалга ошираётган давлатлар қаторида қайд этилди.

Ўзбекистон 2017 йилда коррупцияга қарши кураш бўйича халқаро рейтингда 157-ўринни эгаллаганди. Мамлакат 2020 йилда коррупция даражаси бўйича Transparency International рейтингида ўз ўрнини 7 поғонага яхшилаган. Рейтингда Ўзбекистон 180 та давлат орасида 146-ўринни эгаллаган.

Transparency International халқаро ташкилоти 2021 йил учун “Коррупцияни қабул қилиш индекси”нинг янгиланган рейтингини эълон қилганди. Унга кўра, Ўзбекистон 2020 йилга нисбатан 6 поғонага кўтарилиб, 180 мамлакат орасида 140-ўринни эгаллаган.

Мавзуга доир:

• Transparency International Ўзбекистонга коррупцияга қарши курашишда ёрдам беради
• Ўзбекистонда 2020 йилда қанча мансабдор коррупциявий жиноят содир этганлик учун жиноий жавобгарликка тортилгани маълум қилинди