АҚШ президенти Жо Байденнинг қобилиятсизлиги дунёни учинчи жаҳон урушига олиб келди, деди мамлакат собиқ президенти Дональд Трамп Жанубий Каролина ва Нью-Хемпширда Республикачилар партиясининг йиллик йиғилишида сўзлаган нутқида.
“Ўзининг заифлиги ва қобилиятсизлиги туфайли Жо Байден бизни учинчи жаҳон уруши ёқасига олиб келди. Биз учинчи жаҳон уруши арафасида турибмиз”, — деди Трамп. У 2024 йилги сайловларда яна президент бўлса, “тинчлик даврини куч билан” қайтара олишини қўшимча қилди.
Трамп, шунингдек, агар у ҳозир АҚШ президенти бўлганида бир кун ичида Россия ва Украина ўртасида тинчлик битими тузиларди, деган фикрини такрорлади.
Нью-Хемпширдаги нутқида Трампнинг айтишича, Байден даврида АҚШ унинг сиёсатчилари коррупцияси туфайли вайрон бўлмоқда. Трамп Америка миллатининг парчаланишида Демократик партия тепасида ўтирган “радикал сўлчи”ни айблади.
Жанубий Каролина ва Нью-Хемпширдаги нутқлар Трамп 2024 йилда сайловга ўз номзодини эълон қилганидан бери унинг сайловолди кампаниясидаги биринчи қадам бўлди. Амалдаги президент Жо Байден иккинчи муддатга ўз номзодини қўйиш ҳақида ҳали бир қарорга келмаган.
Изоҳ (1)
Baydenni fikiri bir tarafdan XAQ