Қирғизистон пиёзни ЕОИИдан ташқарига олиб чиқишни тақиқламоқчи

Қирғизистон ўз пиёзини Евросиё иқтисодий иттифоқи ҳудуди чегараларидан ташқарига олиб чиқишни тақиқламоқчи, деб хабар берди “Апенди бизнесмен”.

Қайд этилишича, бунинг ортидан озиқ-овқат хавфсизлигини таъминлаш, бозорда пиёз нархини барқарорлаштириш кўзда тутилган. Мамлакат антимонополия ташколоти ҳам пиёз нахрлари жуда юқори эканини таъкидлаган.

Худди шундай тақиқ аввалроқ Қозоғистон томонидан Покистондаги табиий офатлар муносабати билан киритилган эди.

Ўшанда Қозоғистон ОАВлари тақиқнинг сабабини Ўзбекистон ва Покистонда ҳосил етишмаслиги, шу боис Қозоғистон Республикасидан пиёзга қизиқиш кучайгани билан изоҳлаган эди.

Мавзуга доир: 

• Фақат Ўзбекистонда эмас. Жаҳон бозорида пиёз нархи нега кескин ошмоқда?
• Ўзбекистонда пиёз экспорти вақтинча чекланди