Бугун,

  • USD 11095.31
  • RUB 173.84
  • EUR 10772.44

24 январь куни Ўзбекистон Республикаси товар-хом ашё биржасида бир қатор шубҳали тендерлар амалга оширилди. “Дарё” мухбири Абдуқаҳҳор Қосимов ҳужжатларни мониторинг қилиб, энг эътиборга молик савдолар ҳақида маълумот беради.

Манфааатлар тўқнашуви?

Бухоро вилояти Жондор тумани Тиббиёт бирлашмаси овқат етказиб бериш бўйича аутсорсинг хизмати учун 190 миллион сўмлик тендер ўтказган. Унда “БТТ Ҳалол Барака Таъминот” ва “Универсал Улгуржи Савдо Қурилиш Invest” МЧЖлар ғолиблик учун курашган ва якунда “БТТ Ҳалол Барака Таъминот” корхонаси 189 миллион сўм билан тендерни ютиб олган.

Скрин: Статистика агентлиги

Ғолиб МЧЖ таъсисчиси ва раҳбари Бозоров Тожиддин Тўхтамуродович ҳисобланади. 

Скрин: Харид баённомаси

Эътиборлиси ва шубҳалиси шундаки, ушбу лот бўйича ўтказилган тендер комиссияси аъзоларидан бирининг исми — Худоев Тўхтамурод Бозорович.

“Дарё” мухбири ҳолат юзасидан тадбиркор ҳамда комиссия аъзосидан изоҳ олди. Уларнинг иккиси ҳам исм-фамилиялардаги ўхшашликлар тасодиф эканини айтиб, улар ўртасида қариндошлик алоқалари йўқлигини маълум қилди.

“Э-маил”дошлар

Тошкент вилояти Ангрен шаҳар Тиббиёт бирлашмаси иссиқ овқатлар етказиб бериш учун тендер ўтказган. Шартнома суммаси 57 миллион сўмлик жами учта тендерни “Бунёдкор Намунали Савдо” МЧЖ ютиб олган. Унга рақобат уюштирган “Ангрен Ниш” МЧЖ эса захира ғолиб деб топилган. 

Тендер иштирокчиларининг раҳбарияти билан танишиш жараёнида қизиқ ҳолатга дуч келдик.

Скрин: Статистика агентлиги

Очиқ маълумотларга кўра, ғолиб тадбиркорлик субъектининг раҳбари Мамараззоқов Ҳасан Саидович. Корхона манзили Тошкент вилояти Ангрен шаҳрида деб кўрсатилган.

Скрин: Статистика агентлиги

“Ангрен Ниш” МЧЖ таъсисчиси Хамраев Бахтиёр Жумабоевич. Корхона Тошкент вилояти Ангрен шаҳрида жойлашган.

Маълумотларга диққат билан қарасак, рақобатчи тадбиркорлик субъектларининг электрон почта манзили бир хил эканини пайқаш мумкин: ангрен.yadm@umail.uz манзилига хат жўнацак, иккала корхона ҳам хабардор бўларкан. “Бу ё тасодиф, ё ўта ҳайратланарли даражада тасодиф”.

Буниси энди манзилдошлар

Фарғона вилояти Ёзёвон тумани тиббиёт бирлашмаси тайёр иссиқ овқат билан таъминлаш бўйича умумий қиймати қарийб 310 миллион сўмлик 3 та тендер ўтказган. Ушбу лотда ҳам юқоридаги каби ҳолатга дуч келдик.

Гап шундаки, тендерни ютиб олган “Сокин Осмон Цехри” МЧЖ ва захира ғолиб “Бегойим Савдо Мададкори” МЧЖ раҳбарияти ўртасида боғлиқлик бор.

Скрин: Статистика агентлиги
Скрин: Статистика агентлиги

Статистика агентлиги маълумотларига кўра, ушбу икки “рақобатчи” корхоналарнинг электрон почта ҳамда жойлашув манзиллари бир хил. Жуда ҳам қизиқ.

Тендер-шоу

Бухоро электр билан таъминлаш дистанцияси автомототранспортларни улгуржи ҳамда чакана савдо ва таъмирлаш хизматлари билан таъминлаш учун 135 миллион сўмлик тендер ўтказган. Унда Бухара Auto Leadэр ва Пит Стоп Авто МЧЖлар рақобат уюштирган, якунда биринчи тадбиркорлик субъекти 128 миллион 250 минг сўм билан тендерни ютиб олган.

Аммо мана шу МЧЖлар бир тадбиркорга тегишли, ҳужжатлар шунақа кўрсатяпти:

Скрин: Статистика агентлиги
Скрин: Статистика агентлиги

Буниси энди аниқ тасодиф эмас. Эргашев Шаҳриёр Бахтиёрович ўзига тегишли иккита корхона билан маскарад уюштирган ва ғирром тарзда тендерни ютиб олган. 3 нафар комиссия аъзоси эса бир оғиз эътирозсиз, савдога розилик билдирган.

Тендердаги шериклар

Тошкент вилояти Нурафшон шаҳар Тиббиёт бирлашмаси тиббий мақсадларда ишлатиладиган дорилар ва materиаллар харид қилиш бўйича тендер ўтказган. Унда биз аввалги materиалларимизнинг бирида эслаб ўтганимиз: Инновамед ва Эқуимед МЧЖ “рақобатлашган”.

Гап шундаки, улар 20 январь куни ҳам Нурафшон шаҳар тиббиёт бирлашмаси ўтказган 500 миллион сўмлик тендерда қатнашган ва аслида бир-бирига алоқадор корхоналар экани аниқланганди. 

Скрин: Статистика агентлиги

Ғолиб Инновамедънинг раҳбари Уткуров Иброҳим Rustам ўғли бўлиб, у бир вақтнинг ўзида бошқа — Time Эх Logisticс МЧЖнинг ҳам таъсисчиларидан бири ҳисобланади.

Скрин: Статистика агентлиги

Ўз навбатида, Time Эх Logisticс МЧЖнинг яна иккита таъсисчиси бор. Бири раҳбар ҳам ҳисобланган Абдулазиз Сарвар Санжар ўғли, иккинчиси эса Фармонов Азамат Рахмат ўғли.

Скрин: Статистика агентлиги

Фармонов Азамат эса тендерда Инновамедъга рақобат таклиф қилган Эқуимедънинг раҳбари ҳисобланади.

Назорат қилувчи органларнинг вазиятга етарли даражада эътибор қаратмагани ортидан ушбу шахслар камида иккинчи бор тендерларни сохталаштирмоқда.

”Алло? Uzр, адашиб рақобатчига тушибман”

Буниси энди классика! Самарқанд вилояти Паяриқ тумани ҳокимлиги Ободонлаштириш бошқармаси ходимлар учун махсус форма тайёрлаш бўйича умумий қиймати 28 миллион 400 минг сўмлик 2 та тендер ўтказган. Унда “Бургут ЛЙХ” ва ”Суперстар М” МЧЖлар рақобатлашган ва якунда “Бургут ЛЙХ” тендерни ютиб олган.

Тендер қатнашчиларининг раҳбарияти билан танишиш жараёнида қизиқ ҳолатга дуч келдик:

Скрин: Статистика агентлиги
Скрин: Статистика агентлиги

Раҳматов Меҳриддин ва Маматов Шарофиддин тендерни сохталаштиришда деярли хатосиз ишлашган. На корхона таъсисчилари орасида ўхшашлик бор, на юқоридагилар каби э-маил ёки манзил сотиб қўймайди. Аммо бир қарашда шубҳали жиҳат ёъқдек туюлган вазиятда иккала корхонанинг алоқа телефон рақамлари бир хил экани панд бериб қўймоқда. Аттанг...

Комиссия аъзоларига эса ҳар доимгидек фарқи ёъқ: улар бир овоздан рози!

Масъуллардан ушбу шубҳали тендерлар натижаларига эътибор қаратиб, ноқонуний ҳолатлар бўйича тегишли чоралар кўришни сўраймиз.

Абдуқаҳҳор Қосимов
Мавзуга доир
Изоҳ
Асосий янгиликлар
Дунё
Украина ташқи ишлар вазири Путиннинг “Зеленскийни ўлдирмаслик” бўйича берган ваъдасига муносабат билдирди
Спорт
А Серия. Элдор Шомуродовнинг дебют ўйинида “Специя” ўзида “Наполи”га йирик ҳисобда ютқазди
Дунё
Marsдан ҳам совуқроқ: АҚШда ҳаво ҳарорати тарихий рекордни янгилади (видео)