Европа банк бошқармаси (EBА) ҳисоботига кўра, Европа Иттифоқида йилига 1 миллион евродан ортиқ даромад оладиган банкирлар сони 2021 йилда 41,5 фоизга ошган. Бу ҳақда «Коммерсантъ» хабар бермоқда.
Агар 2020 йилда бундай кишилар сони 1 383 нафар бўлган бўлса, 2021 йилда — 1957 та. Бу статистик маълумотларни юритишнинг бутун даври — 2010 йилдан бери рекорд кўрсаткич.
EBА миллионер банкирлар сонининг ўсишини банк сектори учун кучли 2021 йил, шунингдек, Буюк Британия ва ЕИдан юқори маошли ишчиларнинг Brexit'дан кейин чиқиб кетиши билан боғлайди.
Регулятор, шунингдек, миллионер банкирлар сонининг ўсиши 70 фоизи фақат учта мамлакат — Италия, Франция ва Испанияда содир бўлганини қайд этди.
Шунингдек, 1 миллион евродан ортиқ даромад олган банкирларнинг энг кўп сони Германияга тўғри келди — 30 фоиз.
Шу билан бирга, энг кўп маош олувчи банкир Испанияда ишлайди. У 2021 йилда 14—15 миллион евро ишлаб олишга муваффақ бўлган.
«Бу Испаниядаги ўртача маошдан камида 466 баравар кўп», — деб қайд этади EBА.
Маълумотларга кўра, яна Германия, Испания ва Франциядан бўлган учта банкирнинг ҳар бири 13—14 миллион евро ишлаб топишга муваффақ бўлган.
Изоҳ (0)