Беш йил ичида дунёда нефтга бўлган талаб энг юқори чўққисига чиқади. Бу фикрни Tesla электромобиллар ишлаб чиқарувчиси асосчиси Илон Маск Twitter’да билдирди.
«Нефтьга бўлган талаб беш йил ичида энг юқори чўққига чиқиши мумкин», — деб ёзди у Twitter’да.
У Американинг JPMorgan Chase банки бош директори Жеймс Димоннинг инсоният яна 50 йил давомида нефть ва газга муҳтожлиги ҳақидаги прогнозига шундай изоҳ берган.
Маск Димоннинг глобал ҳамжамият узоқ вақт давомида углеводородлардан фойдаланишда давом этиши ҳақидаги фикрига қўшилди.
Saudi Aramco бош директори Амин Носир нефтга бўлган талабнинг ўсиши кейинги ўн йил ичида барқарор бўлишини айтган эди.
Электр транспорт воситаларининг оммавийлигини ошириш ва қайта тикланадиган энергетиканинг ривожланиши талабни «қисман қоплайди», аммо 2030 йилга келиб хом нефть истеъмоли албатта ошади, — деди Носир.
Изоҳ (0)