Япония ўтган йилни рекорд даражадаги савдо камомади билан якунлади. Бу ҳақда мамлакат Молия вазирлиги томонидан эълон қилинган маълумотларга таяниб, «ТАСС» хабар бермоқда.
2022 йилда савдо балансининг тақчиллиги 19,97 триллион иенни (жорий курс бўйича қарийб 155 миллиард доллар) ташкил этди.
Бу 1979 йилда бошланган тегишли статистик маълумотлар йиғилишидан кейинги энг юқори кўрсаткичдир.
Ўтган йил давомида бу индекс 1 019,7 фоизга ўсди — бу асосан энергия нархининг глобал ўсиши ва Япония валютасининг қадрсизланиши ҳисобига содир бўлди.
Белгиланган даврда мамлакат экспорти ҳажми 98,18 трлн сўмни ташкил қилган.
Умуман олганда, Япония иқтисодиёти танг аҳволда. Ўтган йили юқори нархлар сабаб мамлакатнинг банкрот бўлган компаниялари икки баравар кўпайди.
Япония 24 йил ичида биринчи марта 22 сентябрда валюта интервенциясини амалга оширди. Яъни Япония ўз валютасини АҚШ долларига нисбатан янада заифлашишига йўл қўймаслик учун иена сотиб олиб, унинг қийматини оширишга ҳаракат қилган.
2022 йилнинг октябрида мамлакат валютаси долларга нисбатан сўнгги 32 йилдаги энг паст даражага етган. Кейинчалик валюта курси бироз барқарорлашган.
Изоҳ (0)