Бухоро вилояти Вобкент туманида 5 январь куни маст фуқаро қайнукасини пичоқлади. Бу ҳақда вилоят Ички ишлар бошқармаси ахборот хизмати хабар берди.
Маълум бўлишича, шу куни соат 22:00 да П.А. спиртли ичимлик истеъмол қилиб, маст ҳолатда уйида қайнукаси С.М. билан оилавий келишмовчилик сабабли жанжаллашиб қолган.
Шундан сўнг П.А. жанжал вақтида қўлидаги ошхона пичоғи билан унинг чап елка қисмига қасддан бир марта уриб, ҳаёт учун хавфли бўлган оғир шикаст етказган.
Мазкур ҳолат юзасидан туман ички ишлар бўлими томонидан П.А.га нисбатан Жиноят кодексининг 104-моддаси 2-қисми билан жиноят иши қўзғатилиб, ҳозирда дастлабки тергов ҳаракатлари олиб борилмоқда.
Мавзуга доир:
Изоҳ (0)