Беларусь президенти Александр Лукашенко Украина билан чегарада ҳарбий манёврлар ўтказилаётгани сабабини айтди. Бу ҳақда президент матбуот хизмати хабар берди.
Лукашенко мамлакатга ҳужум қилиш эҳтимолини сабабли ҳимоя мақсадида манёврлар амалга оширилаётганини таъкидлади.
«Тинчлик истасанг, урушга тайёрлан. Бу билан мен жамиятимизда, айниқса, интернетда Беларусь ва Россия қуролли кучларининг биргаликдаги ҳаракати ҳақидаги миш-мишларга жавоб бермоқчиман», — деди у.
Сиёсатчи мамлакатда ташқи таҳдидларга жавоб бериш учун Россия ва Беларусь қўшинларининг қўшма гуруҳи тузилганини эслатди. Шу муносабат билан машғулотлар олиб борилишини қўшимча қилди.
»Биз ўз ҳудудимизда машғулотлар ўтказмоқдамиз. Қуролли кучларимиз қўшма гуруҳини ўзимиз зарур деб билган жойга кўчирмоқдамиз. Тамом. Бошқа ҳеч қандай ният ва фитна кўзланмаган», — дейди Беларусь раҳбари.
У Беларусга қарши тажовузни истисно қилмади ва бу қўшни давлатларда пайдо бўлаётганини қўшимча қилди.
«Биламизки, чегараларимизда кескинликни келтириб чиқариши учун айнан қўшнилар орқадан ҳаракат қилади», — дея таъкидлади президент.
Лукашенко Беларусь армиясида «тезкор реакция» кучлари мавжудлиги, қисқа вақт ичида улар огоҳлантирилиб, можаро зонасига юборилишини қо»шимча қилди.
Мавзуга доир: Беларусда армиянинг жанговар тайёргарлигини тўсатдан текшириш бошланди
Изоҳ (0)