Футбол бўйича ЖЧ—2022 чорак финалида Бразилия ва Хорватия терма жамоалари 9 декабрь, жума куни ўзаро тўқнаш келди.
Учрашувнинг асосий бўлимларида дарвозалар ишғол этилмади. Шу сабаб жамоалар қўшимча бўлимларга мурожаат қилинди. 105+1-дақиқада Неймар ҳисобни очди. 117-дақиқада эса Бруно Петкович мувозанатни тиклади. Қўшимча бўлимларда ҳисоб 1:1 кўринишида якунланди ва ғолиб пенальтилар сериясида аниқланадиган бўлди.
Пенальтилар сериясида эса Хорватия 4:2 ҳисобида зафар қучди. Шу тариқа хорватлар ярим финалга йўлланмани қўлга киритган дастлабки жамоага айланди. ЖЧ—2018 финалчиси кейинги босқичда Нидерландия — Аргентина учрашуви ғолиби билан ўйнайди.
ЖЧ—2022
1/4 финал баҳси
9 декабрь, жума
Хорватия — Бразилия 1:1
Пенальтилар серияси: 4:2Голлар: 0:1 – 105+1 Неймар, 1:1 — 117 Петкович.
Хорватия: Ливакович, Юранович, Ловрен, Гвардиол, Соса (Будимир, 110), Модрич, Ковачич (Маэр, 105), Брозович (Оршич, 114), Перишич, Пашалич (Влашич, 72), Крамарич (Петкович, 72).
Бразилия: Alisson, Милитао (Алекс Сандро, 105), Тиаго Сильва, Маркиньос, Данило, Каземиро, Лукас Пакета (Фред, 105), Неймар, Ришарлисон (Педро, 84), Рафинья (Антони, 56), Винисиус Жуниор (Родриго, 64).
Огиҳлантиришлар: Данило (25), Брозович (31), Каземиро (68), Маркиньос (77) Петкович (117).
Изоҳ (0)