Россия Давлат думасининг ахборот сиёсати қўмитаси раиси ўринбосари Олег Матвейчев мамлакатда махсус киберқўшинлар яратиш зарурлигини айтди. Бу ҳақда «URA.ru» хабар берди.
Депутат киберқўшинларга хакерларни ёллашни, ҳарбий хизматга чақирилувчиларга ҳам бундай қўшинларда хизмат қилиш имконияти беришни таклиф қилган.
«Албатта, қўшинларнинг алоҳида бўлинмаси сифатида киберқўшинлар бўлиши керак деб ҳисоблайман. Бизда жуда кўп IT мутахассислари бор. Уларда ватанпарварлик позицияси шаклланган. Шахсан ўзим жуда юқори даражадаги хакерларни биламан. У Американинг ҳар қандай расмий идоралари тизимига кириб, барча паролларни бузган», — дейди у.
Эслатиб ўтамиз, 2021 йил Украина президенти киберқўшин тузишни буюрганди.
Изоҳ (0)