Украиналик расмий Беларусь ташқи ишлар вазири ўлдириб кетилган бўлиши мумкинлигини айтмоқда

Украина собиқ ташқи ишлар вазири Павел Климкин Беларусь ТИВ раҳбари Владимир Макей ўлдириб кетилган бўлиши мумкинлигини айтди. Бу ҳақда у Радио «НВ»га берган интервьюсида маълум қилди.

«Менимча, Макей ўлдирилгани эҳтимоли жуда юқори. Албатта, юрак хуружи дориларини рағбатлантирадиган тегишли моддалар мавжуд. Бу тасодифий эмас, Макей соғлиғига қандай ғамхўрлик қилгани, ўзининг позициясини қадрлаганини биламан. Менимча, унда кун келиб Лукашенко ўрнини эгаллаш орзуси бўлган. Сўнгги йилларда бу орзулар сақланиб қолганми ёки йўқлигини айтиш қийин», — дейди Климкин.

Украина собиқ ташқи ишлар вазирининг таъкидлашича, Макей «фақат юрак хуружидан» ўлмаган бўлиши мумкин.

Владимир Макейнинг вафоти

26 ноябрь куни 64 ёшида Беларусь ташқи ишлар вазири Владимир Макей вафот этди. Маҳаллий ОАВ дипломатнинг ўлимига юрак хуружи сабаб бўлгани ва амалдор ўз аҳволини жиддий қабул қилмаганини таъкидлади.

Украина Ички ишлар вазирлиги маслаҳатчиси Антон Герашченконинг айтишича, бу ҳолат Лукашенко учун сигнал бўлиши керак.

«У заҳарланган бўлиши мумкинлиги ҳақида миш-мишлар бор. Макей Лукашенконинг вориси деб аталган. У Россия таъсирида бўлмаган кам сонлилардан бири эди. Айтишларича, бу Лукашенкога ишора бўлиши мумкин», — деган у.

Мавзуга доир: Лукашенко Беларусь ташқи ишлар вазири Макей билан видолашув маросимида иштирок этди (фото)