Мўғулистон пойтахти Улан-Баторда намойишчилар ҳукумат саройига бостириб кирди. Бу ҳақда Central Asia хабар берди.
Маълум қилинишича, Хитойга экспорт қилиниши керак бўлган қиймати 12 миллиард долларлик 6,5 миллион тонна кўмир ўғирлаган. Намойишчилар ҳукуматдан ўғриликка жавобгар шахсларни жазолашни талаб қилмоқда. Улар Улан-Батор марказига тўпланган ва саройга бостириб киришга уринмоқда.
Маҳаллий матбуот хабарларига кўра, хавфсизлик кучлари биринчи ҳужумни қайтаришга муваффақ бўлган, бироқ намойишчилар тарқалмаяпти. Митинг уч кундан буён давом этмоқда.
Хитой томони ўғирликда иштирок этган сиёсатчиларнинг маълумотларини расмийларга юборган, намойишчилар уларни жазолашни талаб қилмоқда.
Эслатиб ўтамиз, 21-нойбар куни Тбилисида Саакашвилининг тарафдорлари унинг хорижда даволанишини талаб қилиб митинг уюштирганди. Шунингдек, 18 ноябрь куни Мексика президенти ҳукумат тарафдорларининг оммавий митингига бошчилик қилганди.
Изоҳ (0)