Тошкент шаҳридаги 6 хонали ҳовли аукционда 3 млрд сўмга сотилди

Тошкент шаҳар Юнусобод туманидаги ҳовли кимошди савдосига қўйилган эди. «E-auksion» порталидаги маълумотларга кўра ҳовли сотилган.

Лот аукционга «Алоқабанк» томонидан жойлаштирилган эди. 2 қаватли уй 6 хонадан иборат.

Ер участкасининг умумий майдони 0,6 гектар. Бинонинг майдони — 385,92 квадрат метр. Ҳовлида газ, сув, электр таъминоти ва канализация мавжуд.

Лот изоҳида ёзилишича, хонадон уй жиҳозларисиз сотилган.

Аукционга қўйилган ҳовлининг бошланғич баҳоси 2,8 млрд сўм эди. 10 ноябрь куни бўлиб ўтган савдода ҳовли 3 млрд сўмга сотилди. Аукцион ғолиби сифатида Музаффар Мухаммадиев кўрсатилган.

Аввалроқ Тошкентда онкология касалликлари шифохонаси бинолари умумий 500 млрд сўмдан кўпга аукционга қўйилгани ҳақида хабар берилганди.