Uzbekistan Airports қалин туман сабабли 30 ноябрь куни Наманган аэропорти фаолияти чекланиб, қатор рейслар кечиктирилганини эълон қилди.
Маълум қилинишича, Наманган халқаро аэропортида қалин туманда кўринишнинг ёмонлиги (200 метр) туфайли рейсларни қабул қилиш ва жўнатиш вақтинча чекланди. Иккита рейс муқобил аэродромларга юборилди.
Хусусан, Uzbekistan Airways’нинг Красноярск—Наманган йўналиши бўйича HY9824 рейси маҳаллий вақт билан соат 07:23 да Тошкент аэропортига қўнди. Об-ҳаво яхшиланиши билан Тошкентдан Наманганга, у ердан эса Уфага учиши кутилмоқда.
Red Wings авиакомпаниясининг Екатеринбургдан Наманганга учган WZ1127 рейси соат 09:47 да Фарғонага қўнди.
HY9858/073 Уфа—Наманган—Бухоро (тахминий келиш вақти — 14:30), HY74/47 Бухоро—Наманган—Самарқанд (келиш — 19:05), HY48 Самарқанд—Наманган (келиш вақти — 23:00) рейслари ҳам об-ҳаво шароити туфайли кечиктирилиши кутилмоқда.
Изоҳ (0)