Тошкент шаҳри Яккасарой туманида фуқарони тепган маҳалла раиси ишдан олингани ҳақида хабар берилган эди. Шаҳар судлари ахборот хизмати ҳолат юзасидан қўшимча маълумот тақдим этди.
Унга кўра, 29 ноябрь куни жиноят ишлари бўйича Яккасарой тумани судида А.Қ. (1963 йилда туғилган)га оид маъмурий ҳуқуқбузарлик тўғрисидаги иш кўриб чиқилиб, у Маъмурий жавобгарлик тўғрисидаги кодекснинг 183-моддаси (майда безорилик) да назарда тутилган ҳуқуқбузарликни содир этган деб топилди.
Иш ҳужжатларига кўра, А.Қ. 27 ноябрь куни соат 12:20 да Яккасарой тумани Бошлиқ мавзеси «Армуғон» маҳалласи КХАЙ кўчаси 9-уй олдида бўла туриб, жамиятда юриш-туриш қоидаларини бузиб, фуқаро I.П.нинг орқа қисмига тепиб, майда безорилик қилган ва ушбу ҳолат интернет тармоғи орқали кенг муҳокамаларга сабаб бўлган.
Суднинг қарори билан А.Қ.га базавий ҳисоблаш миқдорининг 3 баравари (900 минг сўм) миқдорида жарима жазоси тайинланди. Ушбу қарор устидан қонунчиликда белгиланган тартиб ва муддатда Тошкент шаҳри судига апелляция шикояти (протести) берилиши мумкинлиги маълум қилинди.
Мавзуга доир: