Сурхондарё вилояти Сариосиё туманида чет эл валютасининг ноқонуний муомалага киритилишининг олди олинди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Сурхондарё вилоят бошқармаси томонидан тезкор тадбир ўтказилган. Унда Сариосиё тумани темир йўл вокзали атрофида валюта айирбошлаш билан шуғулланиб келган, муқаддам судланган Ж.Х. фуқаро Ш.Б.дан 3 000 долларни 33,6 миллион сўмга сотиб олган вақтида ашёвий далиллар билан ушланган.
Ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)