Сирдарё вилояти Ховос туманида суғориладиган ер майдонини ўзбошимчалик билан эгаллаб олган фермер хўжалиги аниқланди, деб хабар беради Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Сирдарё вилоят бошқармаси томонидан терговга қадар текширув ўтказилган. Унда «З.А.» фермер хўжалиги раҳбари Н.М. хўжаликка балиқчилик кўли қуриш учун Ховос тумани ҳудудидан ажратилган ер майдонига ортиқча 5,5 гектар ер майдонини эгаллаб олгани аниқланган. Шундан 3,01 гектари суғориладиган ер майдонида ўзбошимчалик билан балиқчилик кўли ташкил қилган. Оқибатда давлат ва жамият манфаатларига 1,3 миллиард сўм зарар етказган.
Ҳолат юзасидан Жиноят кодексининг 192-11-моддаси (нодавлат тижорат ташкилотида ёки бошқа нодавлат ташкилотида мансабдор шахслар томонидан ўз ваколатларини суиистеъмол қилиш) ва 229-моддаси (ўзбошимчалик) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)