Футбол бўйича ЖЧ—2022 2-турида Камерун ва Сербия терма жамоалари 28 ноябрь, душанба куни ўзаро тўқнаш келди.
Учрашувнинг 29-дақиқасида Жан-Чарлс Кастеллетто ҳисобни очди. Биринчи бўлим сўнгида Страхиня Павлович мувозанатни тиклади. 45+3-дақиқада эса Милинкович-Савич сербияликларни ҳисобда олдинга олиб чиқди. Шу тариқа жамоалар танаффусга йўл олди.
Иккинчи бўлимда Сербия фаол ҳаракат қилди ва 53-дақиқада Александар Митрович ҳисобни ишончли кўринишга олиб келди. 63-дақиқада Винсент Абубакар ҳисобни қисқартирди. Орадан 3 дақиқада ўтиб, Эрик Шупо-Мотинг мувозанатни тиклади. Қолган дақиқаларда дарвозалар дахлсизлиги сақланиб қолди.
Шу тариқа Камерун ва Сербия ўз ҳисобига 1 очкодан ёздириб қўйди.
G гуруҳининг иккинчи ўйинида Бразилия Швейцария билан баҳс олиб боради.
ЖЧ—2022
2-тур баҳси
28 ноябрь, душанба
Камерун — Сербия 3:3
Голлар: 1:0 – 29 Кастеллетто, 1:1 – 45 Павлович, 1:2 – 45 Милинкович-Савич, 1:3 – 53 Митрович, 2:3 – 63 Абубакар, 3:3 – 66 Шупо-Мотинг.Камерун: Эпасси, Фе, Нкулу, Кастеллетто, Толо, Кунде (Ондуа, 67), Замбо-Ангисса (Гвет, 81), Онгла (Абубакар, 55), Шупо-Мотинг, Токо-Экамби (Бассогог, 67), Мбемо (Нкуду, 81).
Сербия: Милинкович-Савич, Велкович (Бабич, 78), Миленкович, Павлович (Митрович, 56), Костич (Дуричич, 90+2), Милинкович-Савич (Груйич, 79), Максимович, Лукич, Живкович (Радонич, 78), Тадич, Митрович.
Огоҳлантитишлар: Нкулу (24), Бассогог (30), Йович (45), Миленкович (90+4).