Украина мудофаа вазири ўринбосари Владимир Гавриловнинг маълум қилишича, мамлакат кучлари декабрь ойи охиригача Қримга қайтиши ва Россия билан уруш баҳор фаслига келиб бутунлай тугаши мумкин.
Истеъфодаги генерал майорнинг сўзларига қараганда, халқ ғалабага қадар курашни ҳеч қачон тўхтатмайди ва ҳатто Россиянинг ядровий зарбаси ҳам Кремль кучларини чиқариш учун курашдан чалғита олмайди.
Вазир ўринбосари Sky News телеканалига берган интервьюсида Россия томонидан ядро ҳужуми эҳтимоли паст эканига ишонишини айтди. «Худо билади қандай сценарий бўлишини, лекин тактик ядровий зарба бизни олға боришда давом этишдан тўхтатадиган куч эмас», — деди у.
Кремль билан тинчлик музокаралари ҳақида гапирар экан, Гаврилов бу музокаралар Россия қўшинлари Украинанинг ҳар бир қаричини, жумладан, 2014 йилда босиб олинган Қрим ярим ороли ва Украина шарқидаги ҳудудларни тарк этишга тайёр бўлгандагина амалга ошишини айтди.
Мавзуга доир:
Изоҳ (0)