2022 йилнинг январь—октябрь ойларида Ўзбекистон 51 та хорижий давлатга қиймати 216,6 млн долларга тенг бўлган 245,2 минг тонна узум экспорт қилган. Бу ҳақда Давлат статистика қўмитаси хабар бермоқда.
Узум экспорти ўтган йилнинг мос даври билан солиштирилганда 41,6 минг тоннага ошган. Бироқ асосан Россияга етказиб берилмоқда.
Ўтган 10 ой мобайнида Ўзбекистон Россияга 140 минг тонна узум экспорт қилган. 2021 йилнинг мос даврида бу кўрсаткич 88 минг тоннага тенг бўлган эди.
Йил бошидан бери Қозоғистонга 48,8 минг тонна Ўзбекистон узумлари етказиб берилган ва бу давлат иккинчи поғонада. Бу ўтган йилнинг мос даврига нисбатан 14,2 минг тоннага камайган.
Январь—октябрь ойларида Қирғизистон (23 минг тоннадан 16,7 минг тоннага) ва Хитойга (9 минг тоннадан 7,3 минг тоннага) узум етказиб бериш ҳам 2021 йилнинг мос даври билан солиштирилганда камайган.
Қайси ҳудуд хорижга энг кўп узум экспорт қилган?
- Фарғона вилояти — 67,7 минг тонна;
- Самарқанд вилояти — 46,4 минг тонна;
- Тошкент вилояти — 30,8 минг тонна;
- Сурхондарё вилояти — 22 минг тонна;
- Хоразм вилояти — 17,2 минг тонна;
- Наманган вилояти — 15,2 минг тонна;
- Қашқадарё вилояти — 14,8 минг тонна;
- Тошкент шаҳри — 13 минг тонна;
- Андижон вилояти — 6,8 минг тонна;
- Бухоро вилояти — 4,1 минг тонна;
- Жиззах вилояти — 2,8 минг тонна;
- Навоий вилояти — 1,5 минг тонна;
- Сирдарё вилояти — 1,5 минг тонна;
- Қорақалпоғистон — 1,1 минг тонна.
Аввалроқ Ўзбекистонда узум уруғидан ёғ ишлаб чиқариш йўлга қўйилгани ҳақида хабар берилган эди.
Изоҳ (0)