Еврокомиссия Европа Иттифоқи давлатларини Болгария, Хорватия ва Руминиянинг Шенген келишувига қўшилишини маъқуллаш бўйича зарур қарорларни кечиктирмай қабул қилишга чақирди.
Еврокомиссия баёнотида айтилишича, ушбу давлатлар Европанинг визасиз режимига кириш шартларини бажарган.
Шунингдек, бу давлатлар ўтган йиллар давомида, жумладан, пандемия даврида ва яқинда Украинадаги воқеаларнинг «мисли кўрилмаган оқибатлари»га дуч келганда Шенген ҳудудининг нормал фаолиятига катта ҳисса қўшган.
Болгария, Хорватия ва Руминия 2023 йилдан бошлаб Шенген ҳудудига қўшилиш ҳаракатида. Ҳозир бу ҳудуд Европа Иттифоқининг 22 мамлакати (Австрия, Бельгия, Дания, Финляндия, Франция, Германия, Греция, Италия, Люксембург, Нидерландия, Португалия, Испания, Швеция, Чехия, Эстония, Венгрия, Латвия, Литва, Мальта, Польша, Словакия, Словения) ва Европа Иттифоқига аъзо бўлмаган тўртта давлатни (Норвегия, Исландия, Швейцария ва Лихтенштейн) ўз ичига олади. Шенген давлатлари рўйхати охирги марта ўн йилдан кўпроқ вақт олдин, Лихтенштейн унга қўшилганида янгиланган эди.
Изоҳ (0)