Россияда ўзбекистонликларни меҳнат бозорига жалб қилиш бўйича янги қарор қабул қилинди
Ўзбекистон фуқароларини Россия меҳнат бозорига жалб қилиш бўйича пилот лойиҳани амалга оширишни сезиларли даражада ўзгартирувчи Россия ҳукумати қарори эълон қилинди. Бу ҳақда «Коммерсантъ» хабар бермоқда.
Бу қисман сафарбарлик туфайли кучайган кадрлар етишмаслиги билан боғлиқ. Шу пайтгача Ўзбекистондан меҳнат муҳожирлари сони қурилиш ва агросаноат мажмуасида 11 минг кишидан ошмаслиги керак эди. Эндиликда ушбу сон бўйича чеклов олиб ташланади.
Мамлакатга кириб келаётганлар учун тиббий талаблар ҳам пасайтирилмоқда — коронавирус ёки эмлаш учун мажбурий тест ўрнига улар Ўзбекистонда фақат россиялик шифокорлар томонидан тиббий кўрикдан ўтиши керак бўлади, иш берувчилар уни ташкил этиш харажатларини тўлайди.
Қарорда Саноат ва савдо вазирлиги томонидан шакллантирилган рўйхатга киритилган енгил саноатда хўжалик фаолияти билан шуғулланувчи Россия юридик шахслари томонидан Ўзбекистондан ишчиларни ёллаш имконияти сифатида тавсифланади.
Маълумотларга кўра, мазкур қарор Украинадаги уруш туфайли қисман сафарбарлик бошланганидан кейин «Гайдар» Иқтисодий сиёсат институти томонидан аниқланган енгил саноатда кадрларнинг рекорд даражадаги етишмаслиги фонида қабул қилинган.
