Футбол бўйича Англия Премер Лигасининг 16-туридан ўрин олган қатор учрашувлар 12 ноябрь, шанба куни бўлиб ўтди.
«Манчестер Сити» ўз уйида «Брентфорд»ни қабул қилди. Учрашувнинг 16-дақиқасида Айвен Тоуни меҳмонларни олдинга олиб чиқди. Биринчи бўлим якунланиши арафасида Фил Фоден мувозанатни тиклади.
Учрашувга ҳакам томонидан қўшиб берилган вақтнинг 8-дақиқасида Тоуни дублни расмийлаштириб, жамоасига ғалаба олиб келди.
«Манчестер Сити» 32 очко билан иккинчи поғонани эгаллаб турибди ва ушбу турда «Вулверҳэмптон» билан ўйнайдиган «Арсенал»дан икки очко ортда қолмоқда.
«Ливерпуль» ўзида «Саутҳэмптон»ни қабул қилиб, ишончли ғалабани қўлга киритди. Дарвин Нуньеснинг дубли ва Роберто Фирминонинг голи «қизиллар»га ғалаба олиб келди.
«Ливерпуль» очколарини 22 тага етказиб олган ҳолда 6-поғонага кўтарилди.
«Тоттенҳэм» эса «Лидс»га қарши ўйинда уч бор ҳисобда ортда бориб, якунда ғалабани илиб кетишга муваффақ бўлди. «Шпорлар» сафида Родриго Бентанкур дублга эришган бўлса, Ҳарри Кейн ва Бен Дэвис биттада гол урди.
Ушбу ғалаба орқали «Тоттенҳэм» очколарини 29 тага етказиб, учинчи ўринга кўтарилди.
АПЛ
16-тур баҳслари
12 ноябрь, шанба
«Манчестер Сити» – «Брентфорд» 1:2
Голлар: 0:1 – 16 Тоуни, 1:1 – 45 Фоден, 1:2 – 90+8 Тоуни.«Манчестер Сити»: Эдерсон, Стоунз, Ляпорт, Аканжи, Жоау Канселу (Альварес, 87), Гундўған, де Брюйне, Родри, Бернарду Сильва, Фоден, Ҳоланд.
«Брентфорд»: Райя, Роэрслев, Ёргенсен, Ми, Пиннок, Генри, Йенсен, Янелт (Нергор, 62), Онека (Дасилва, 87), Тоуни, Мбемо (Висса, 74).
Огоҳлантиришлар: Ҳоланд (37), Мбемо (72), Жоау Канселу (84), Йенсен (90).
«Ливерпуль» – «Саутҳэмптон» 3:1
Голлар: 1:0 – 6 Фирмино, 1:1 – 9 Адамс, 2:1 – 21 Нуньес, 3:1 – 42 Нуньес.«Ливерпуль»: Alisson, Александер-Арнольд (Fillips, 87), ван Дейк, Гомес, Робертсон (Цимикас, 86), Тиаго Алькантара, Фабиньо, Эллиотт (Милнер, 68), Фирмино (Окслейд-Чемберлен, 75), Салоҳ, Нуньес (Карвалью, 87).
«Саутҳэмптон»: Базуну, Белла-Кочап (Войнович, 72), Чалета-Цар (Мэйтленд-Найлз, 59), Салису, Перро, Армстронг (Уолкотт, 59), Эльюнусси, Уорд-Проуз, Лавиа (Арибо, 82), Армстронг (Эдози, 59), Адамс.
Огоҳлантиришлар: Чалета-Цар (5), Салису (66).
«Тоттенҳэм» – «Лидс» 4:3
Голлар: 0:1 – 10 Саммервилл, 1:1 – 25 Кейн, 1:2 – 43 Родриго, 2:2 – 51 Дэвис, 2:3 – 76 Родриго, 3:3 – 81 Бентанкур, 4:3 – 83 Бентанкур.«Тоттенҳэм»: Льорис, Эмерсон (Доэрти, 57), Дайер, Дэвис, Лангле (Санчес, 57), Перишич, Ҳёйбьерг, Бентанкур, Кулусевски (Лукас Моура, 90), Кейн, Ришарлисон (Биссума, 69).
«Лидс»: Меле, Кристенсен (Фернандес, 89), Купер, Кох, Стрейк, Рока (Эйлинг, 79), Адамс, Ааронсон, Родриго (Гелхардт, 89), Саммервилл, Нионто (Гринвуд, 46).
Огоҳлантиришлар: Рока (49), Бентанкур (57), Адамс (71).
Четлатиш: Адамс (87).
Изоҳ (0)