«Россия қўшинларининг Херсондан чекиниши Украинанинг навбатдаги ғалабаси бўлади» — НАТО бош котиби

НАТО бош котиби Йенс Столтенберг Россия қўшинларининг Херсондан чекиниши Украина учун яна бир ғалаба ҳисобланишини маълум қилди. Бу ҳақда Reuters хабар берди.

Столтенбергнинг сўзларига кўра, Украина армияси рус қўшинларига тобора кўпроқ босим ўтказмоқда. Бу вазият Херсон вилоятида шундай ривожланганки, Россия кучлари шаҳарни тарк этишга мажбур бўлди. У яқин кунларда альянс Россия ҳақиқатан ҳам Днепрнинг ғарбий қирғоғидан чекиниш ёки чекинмаслигини назорат қилишини айтди. Бош котибнинг қўшимча қилишича, НАТО Украинани қанча вақт керак бўлса, шунча қўллаб-қувватлайди.

НАТО иттифоқчилари томонидан кўрсатилаётган мисли кўрилмаган ёрдам жанг майдонидаги вазиятни ҳар куни ўзгартирмоқда. Бу Украина тараққиёти учун муҳим бўлиб қолмоқда, — дейди у.

Столтенберг Ғарб етакчиларини Россиянинг ҳарбий салоҳиятини паст баҳоламасликка чақирганди. У Россия Украина шаҳарларига ҳужум қилиш ва зарба бериш учун ҳали ҳам салоҳият ва кучга эгалигини қайд этган.