Twitter’ни сотиб олган миллиардер Илон Маск платформадан фойдаланишни пулли қилиш имкониятини кўриб чиқмоқда, деб ёзади Meduza.
Журналистларнинг компаниядаги манбаларига кўра, бизнесмен ўз маслаҳатчиси Дэвид Сакс билан Twitter’да ҳар ойда бепул онлайн бўлиш лимитини белгилаши мумкин бўлган режани муҳокама қилган. Режа амалга ошса, фойдаланувчилардан обуна учун тўлов талаб қилинади. Бундай обуна нархи қанча бўлиши мумкинлиги ҳақида хабар берилмаган.
Ноябрь ойи бошида Twitter дастурининг янгиланган версиясида кўк верификация белгисини сотиб олиш имконияти ҳақида маълумот пайдо бўлди. Бу Маск компанияни сотиб олгандан кейин таклиф қилган биринчи янгиликдир.
Изоҳ (0)