Парфюмерия — бу жуда кўп ҳис-туйғулар ва таассуротлар берадиган ўзига хос ва ноёб дунё. Кўпчилик хушбўй томчиларсиз кўчага ҳам чиқмайди. Шунингдек, юлдузлар ҳам бундан мустасно эмас.
Мерилин Монро — Chanel №5
Айнан Мерилин Монро бу афсонавий атирнинг дунё миқёсида шуҳрат қозонишига ёрдам берган. Дарҳақиқат, 1960 йилда берган интервьюсида актриса тунда ҳам Chanel №5 дан бошқа ифордан фойдаланмаслигини айтиб ўтган.
Эмма Стоун – GARDÉNIA by Chanel Les Exclusifs
Мерилин Монро сингари Эмма Стоун ҳар кеча ётишдан олдин Chanel атирини сепишини таъкидлаб ўтган. Фақат Эмма апельсин гуллари, жасмин ва кўкатларнинг нозик ифорига эга бўлган Les Exclusifs туркумидаги GARDÉNIA парфюмидан фойдаланади.
Адел – Hypnotic Poison by Dior
2012 йил интервьюда Адел ўзининг парфюмерияси ёки косметик маҳсулотини ишлаб чиқариш таклифини ҳеч қачон қабул қилмаслигини тан олди ва шундай деди: «Мен ўз парфюмериямдан фойдаланмайман. Мен ҳар доим 15 ёшимдан бери ишлатган атирни сепаман». Қўшиқчи айнан Hypnotic Poison by Dior’ни назарда тутган.
Меган Маркл – Wild Bluebell Cologne by Jo Malone London
2015 йилда Меган афсонавий британиялик Жо Мелоуннинг Wild Bluebell Cologne мухлиси эканлигини маълум қилди.
Кейт Миддлтон – White Gardenia Petals by Illuminum
Мегандан фарқли ўлароқ, Кейт Миддлтон ҳеч қачон ўзининг севимли ифорини ошкор қилмаган. Бироқ у ўз тўйида White Gardenia Petals by Illuminum ифорини танлаган. Табиийки, унчалик таниқли бўлмаган парфюм қироллик оиласи аъзоси учун севимли эканлиги маълум бўлиши биланоқ ҳамма жойда тез сотила бошлаган.
Малика Диана – 24, Faubourg by Hermes
Марҳум малика Диана камдан кам ҳолларда бу ноёб гулли ифорни сепмасдан уйдан чиқиб кетарди.
Рианна – Love, Don’t Be Shy by Kilian
Хонанда Рианна Love, Don’t Be Shy by Kilian’нинг ашаддий мухлиси.
Никол Кидман – Acqua Di Santa Maria Novella
2017 йилда актриса интервьюларининг бирида Acqua Di Santa Maria Novella унинг севимли атирларидан бири эканлигини айтиб ўтган.
Софи Тернер – Santal 33 by Le Labo
Актриса Нью-Йоркдаги Le Labo парфюмерия брендининг Santal 33 атирининг ашаддий мухлисидир.
Наоми Кемпбелл – Molecule 01 by Escentric Molecules
2016 йилда берган интервьюсида супермодель Molecule 01 by Escentric Molecules атирини яхши кўришини айтиб ўтган.
Мавзуга доир:
- Ташқи кўриниши бир хил: ҳамма доим бир-бири билан адаштирадиган машҳурлар (фото)
- Ота-онаси уларни қўллаб-қувватлаш учун қўлидан келган ҳамма нарсани қилган машҳурлар (фото)
- Ажойиб суратлар: Анжелина Жоли, Жони Депп, Киану Ривз ва бошқа машҳурлар биринчи ролини ижро этганда қандай кўринишда бўлган?
- Кейт Уинслет, Эмма Уотсон, Жонни Депп ва мухлисларига яхшилик қилиши билан эътиборга тушган бошқа машҳурлар
Изоҳ (0)