Тошкент вилояти Зангиота туманида 8 миллиард сўмлик субпудрат шартномасини олиб беришни ваъда қилган шахс ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Қайд этилишича, Бош прокуратура ҳузуридаги департаментнинг Зангиота тумани бўлими томонидан ДХХ ходимлари билан ҳамкорликда тезкор тадбир ўтказилган. Унда эса фуқаро А.А. фуқаро Х.нинг ишончига кириб, юқори лавозимда ишловчи танишлари ёрдамида 20 минг доллари эвазига Тошкент—Душанбе автомобиль йўлининг 130-139 км қисмини реконструкция қилиш бўйича 8 миллиард сўмлик субпудрат шартномасини олиб беришни ваъда қилиб, шундан 10 минг доллар олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)