2022 йил 24 октябрь санасида «uz.post» домени остида UzPost компаниясининг янги сайти иш бошлади.
Умумжаҳон почта иттифоқининг тавсиясига мувофиқ «Ўзбекистон почтаси» АЖ «uz.post» доменини ўз номига рўйхатдан ўтказди. Ушбу турдаги доменлар фақатгина Бутунжаҳон почта иттифоқига аъзо бўлган миллий почта операторларига берилади.
Янги сайт мижозларга енгиллик яратиш, узоқларини яқин қилиш мақсадида ишга туширилди. Мижозлар ушбу сайтида почта жўнатмаларини кузатиб бориш — треккинг, шахсий кабинетдан янги жўнатмаларни яратиб, унинг штрих кодини олиш, индекс орқали почта бўлимларини харитадан топиш каби асосий хизматлардан фойдаланиш имкониятига эга бўладилар.
Сайтдаги жўнатмани кузатиш бўлимга трек рақамини киритиш орқали мижоз ўз жўнатмаси ҳақида барча керакли маълумотларни билиши, жумладан, жўнатма айни дамда қайси босқичда, қандай статусда эканини кузатиш мумкин.
Шахсий кабинетда мижоз ўз шахсий маълумотларини телефони ёки компьютери орқали киритиб штрих кодни онлайн олади. Сўнгра ўзига қулай бўлган почта бўлимига бориб жўнатмани тез ва осон расмийлаштиради. Шахсий кабинетдан штрих кодни онлайн олиш имконияти мижозни вақти тежалишига ҳамда почта ходимлари томонидан мижоз маълумотларини тизимга киритишда юзага келадиган техник хатоларни олдини олинишга ёрдам беради. Бу эса мижозларнинг почта хизматиларидан тез ва сифатли фойдаланишини кафолатлайди.
Почта бўлимини индекс орқали қидирш функцияси орқали мижозлар харитадан ўз манзилига яқин почта бўлимини топиб белгиланган нуқтани босиш ёки керакли почта бўлими индексини киритиб почта бўлимининг иш вақти, индекси, телефон рақами, манзили ҳақидаги маълумотни осон билиб олишлари мумкин. Янгиликлар бўлимидан эса UzPost фаолиятига доир сўнгги хабарлардан бохабар бўлишлари мумкин.
Шунингдек, электрон божхона декларациясини тўлдириш, UzPost жамоаси, унинг филиал ҳамда почта бўлимлари ҳақида маълумотларга эга бўлиш, UzPost мутасаддиларига мурожаат йўллаш каби хизматларни онлайн амалга ошириш имкониятига эга бўладилар.
Сайтнинг мобил иловаси ҳам мавжуд бўлиб, уни Play Market ёки App Store платформаларидан юклаб олиш мумкин.
UzPost — одамларни бир-бирига яқинлаштиради ва уларга ўз мақсадларига эришишда ёрдам бериш учун янги имкониятлар яратамиз!
(71) 236-76-25
Реклама ҳуқуқи асосида.
Изоҳ (0)