Херсондаги теракт оқибатида ҳалок бўлганлар ва яраланганлар бор, деди якшанба куни Херсон вилояти соғлиқни сақлаш вазири Вадим Илмиев журналистларга. Бу ҳақда «Интерфакс» хабар қилди.
«Херсоннинг Черноморская кўчасида содир этилган теракт натижасида 1972 йилда туғилган эркак ҳалок бўлди, уч киши яраланди. Барча жабрланганларга ёрдам кўрсатилмоқда», — деди у.
Фавқулодда хизматларнинг дастлабки маълумотларига кўра, машина ичида ёки унинг ёнида қўлбола портловчи қурилма ишга тушган.
Ўтган сешанба куни Херсон вилояти ҳокимияти бир нечта муниципалитетлар, шу жумладан, Херсон шаҳри аҳолиси Днепрнинг чап қирғоғига оммавий кўчирилганини эълон қилган эди.
Вилоят маъмурияти раҳбари ўринбосари Кирилл Стремоусовнинг сўзларига кўра, 22 октябрь, шанба кунигача Днепрнинг нариги томонига 25 мингга яқин одам ўтказилган.
Изоҳ (0)