Қашқадарёда ишсиз йигитлар қалбаки 13,4 минг долларга Cobalt сотиб олди

Қашқадарё вилоятининг Шаҳрисабз туманида қалбаки купюрага Cobalt сотиб олган икки йигитга жиноят иши қўзғатилди.

Бош прокуратура матбуот хизматининг «Дарё»га маълум қилишича, 25 ёшли А.Ж. ва 23 ёшли Р.М. М.Н. исмли аёлнинг ишончига кириб, унга тегишли бўлган Cobalt’ни 13,4 минг долларга сотиб олишга келишган.

Ўзларида аввалдан сақлаб келган бир хил серия ва рақамли 134 дона қалбаки 100 долларлик купюрадаги жами 13,4 минг долларни аёлга тўлов сифатида беришган.

10 октябрь куни Бош прокуратура департаментининг Шаҳрисабз туман бўлими томонидан ушбу йигитлар ва жиноятга алоқадор бошқа шахсларга нисбатан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) 2-қисми «б», «в» бандлари ва бошқа моддалар билан жиноят иши қўзғатилган.