Андижон давлат университетида раҳбарият «рўмол, соқолни қувлаб кун ўтказаётгани» айтилган мурожаат эълон қилинганди. Олийгоҳ матбуот хизмати ҳолат юзасидан муносабат билдирди.
Унда таъкидланишича, университетнинг ўз ички-тартиб, интизом ва одоб-ахлоқ қоидалари мавжуд. Уларга амал қилишни тарғиб этиш эса ҳар бир ходимнинг вазифаси ҳисобланади.
Аммо зўравонлик ва акциялар билан, мажбурлаш орқали бунга эришишга ҳаракат қилиш университет сиёсатига зид. Мазкур мурожаат матнидан ҳам кўриниб турибдики, бундай ҳолатларга йўл қўйилмаган.Университет ходимлари томонидан ушбу мавзу бўйича ножўя хатти-ҳаракатлар содир этилган тақдирда ва бу ҳақда аниқ маълумотлар бўлса, маъмурият зудлик билан бу масалани муҳокама қилишга ва тегишли тартибда чора кўришга тайёр эканини билдиради.
Андижон давлат университети ўз фаолиятига оид масалаларда мавжуд муаммоларни кўрсатиб, унга ижобий ечим топилишида ҳиссасини қўшаётган ОАВ ва блогерларга ўз миннатдорчилигини билдиради, — дейилган муносабатда.
Изоҳ (0)