Туркия иқтисодни юқори энергия нархларининг салбий таъсиридан ҳимоя қилиш учун Россиядан табиий газ тўловларининг бир қисмини 2024 йилгача кечиктиришни сўрамоқда. Бу ҳақда Bloomberg хабар берди.
Нашр маълумотларига кўра, Туркиянинг «Ботас» давлат компанияси кечиктириш масаласини муҳокама қилишда иштирок этмоқда.
Агентлик билан мулоқотда «Газпром»га яқин манба Туркия ҳали кечиктириш бўйича расмий сўров юбормаганини таъкидлади. Бу «Ботас» Россия компаниясидан тегишли таклиф олганида амалга оширилади.
2022 йилда Туркия лираси АҚШ долларига нисбатан 28 фоиздан ортиқ қадрсизланди, бу эса мамлакатнинг энергия импортига қаттиқ қарамлиги билан боғлиқ.
Аввалроқ санкциялар фонида Туркиянинг Россияга экспорти янги рекорд даражага кўтарилгани ҳақида хабар берилганди.
Изоҳ (0)